ராமேஸ்வரம்: எல்லை தாண்டி மீன் பிடித்ததாக கூறி 3 படகுகளுடன் 23 மீனவர்களை இலங்கை கடற்படை சிறைபிடித்தது. இலங்கை கடற்கொள்ளையர்கள் மற்றும் கடற்படையினரால் தமிழக மீனவர்கள் தொடர்ந்து அவதிப்பட்டு வருகின்றனர்.
மீனவர்களை கைது செய்வது மட்டுமின்றி, படகுகளை பறிமுதல் செய்வது, மீன்பிடி உபகரணங்களை சேதப்படுத்துவது என பல்வேறு சம்பவங்களில் இலங்கை கடற்படையினர் ஈடுபட்டு வருகின்றனர். தமிழக மீனவர்கள் பிரச்னை தொடர்பாக உரிய நடவடிக்கை எடுக்குமாறு தமிழக முதல்வர் தமிழக அரசு சார்பில் பலமுறை கடிதம் எழுதியுள்ளார்.
இந்நிலையில், தமிழகத்தைச் சேர்ந்த 23 மீனவர்களை இலங்கை கடற்படையினர் கைது செய்துள்ளனர். ராமேஸ்வரத்தில் இருந்து மீன்பிடிக்கச் சென்ற தமிழக மீனவர்களை கைது செய்த இலங்கை கடற்படையினர், மீனவர்களின் 3 படகுகளையும் பறிமுதல் செய்துள்ளனர்.
எல்லை தாண்டி மீன் பிடித்ததாக தமிழக மீனவர்களை இலங்கை கடற்படை கைது செய்யும் சம்பவங்கள் மீனவர்கள் மத்தியில் அதிர்ச்சியை ஏற்படுத்தியுள்ளது.
