ஐதராபாத்: முதல் நாள் வசூலிலேயே பல்வேறு சாதனைகளை படைத்து வருகிறது பான் இந்தியன் ஸ்டார் அல்லு அர்ஜுன் நடிப்பில், இயக்குனர் சுகுமார் இயக்கத்தில் உருவாகி நேற்று வெளிவந்த திரைப்படம் புஷ்பா 2.
முதல் பாகத்தின் வெற்றியை தொடர்ந்து வெளிவந்த புஷ்பா 2 திரைப்படம் மக்கள் மத்தியில் நல்ல வரவேற்பை பெற்றுள்ளது. இப்படத்தில் ராஷ்மிகா மந்தனா, பகத் பாசில் ஆகியோர் நடித்துள்ளனர்.
ரசிகர்கள் மத்தியில் பெரிதும் எதிர்பார்க்கப்பட்டு வெளிவந்த இப்படம் கண்டிப்பாக வசூல் சாதனை படைக்கும் என கூறப்பட்டது. இந்த நிலையில், முதல் நாள் உலகளவில் புஷ்பா 2 படம் செய்துள்ள வசூல் குறித்து தகவல் வெளியாகியுள்ளது.
முதல் நாளே உலகளவில் ரூ. 275 கோடிக்கும் மேல் புஷ்பா 2 வசூல் செய்துள்ளது. இந்திய சினிமாவில் இதுவரை எந்த படமும் முதல் நாள் ரூ. 275 கோடி வசூல் செய்ததே இல்லை. இதன்மூலம், முதல் நாள் அதிக வசூல் செய்த இந்திய படம் என்கிற சாதனை புஷ்பா 2 படைத்துள்ளது.
