சென்னை: ஸ்டாலின் அரசு சுவிட்சர்லாந்து, டாவோஸ் நகரில் நடைபெற்ற உலகப் பொருளாதார அமைப்பின் 2025 ஆம் ஆண்டுக்கான கூட்டத்தில் சாதித்தது என்ன என்று அதிமுக பொதுச் செயலாளரும், எதிர்க்கட்சித் தலைவருமான எடப்பாடி பழனிசாமி கேள்வி எழுப்பியுள்ளார். இந்த விவகாரத்தில், எடப்பாடி பழனிசாமி கூறியதாவது: “டாவோஸ் மாநாட்டில் ஸ்டாலின் அரசு எதையும் சாதிக்கவில்லை. முதலீடுகளை ஈர்ப்பதற்கான புரிந்துணர்வு ஒப்பந்தம் எதுவும் செய்யப்படவில்லை. அமைச்சர் டிஆர்பி ராஜா எதிலும் கையெளுத்திடவில்லை என்பது வருத்தம் தருகிறது.”
மேலும், மகாராஷ்டிரா, உத்தரப்பிரதேசம், மேற்குவங்கம் போன்ற மாநிலங்கள் பெருமளவு முதலீடுகளை ஈர்க்க ஒப்பந்தம் செய்துள்ளன என அவர் கூறினார். “தமிழ்நாடு அரசால் ஏன் ஒரு ஒப்பந்தத்திலும் கையெழுத்து போவதில்லை? இதனை என்னால் புரிந்துகொள்ள முடியவில்லை” என்று பழனிசாமி விமர்சித்தார்.
முதலமைச்சர் கூறியதை பொறுத்தவரை, தமிழ்நாட்டுக்குப் பலரும் முதலீடு செய்ய விருப்பம் தெரிவித்து வருவதாக அவர் கூறினாலும், அதில் எந்த உண்மையும் இல்லை என்றும், உண்மையான முதலீட்டாளர்கள் தமிழ்நாட்டை நோக்கி வருவதில்லை என்று தெரியவந்துள்ளது என்று அவர் கூறினார்.
மேலும், கடந்த 4 ஆண்டுகளாக திமுக ஆட்சியில் உலக முதலீட்டாளர்களை சந்தித்து, நான்கு முறை வெளிநாடுகளுக்கு முதல்வர் சுற்றுப் பயணம் மேற்கொண்டுள்ளார். இந்த பயணங்கள் மூலம் எவ்வளவு ஒப்பந்தங்கள் செய்யப்படுவதாக கூறப்படுகின்றன என்பதை நிலைநிறுத்தி, முதலமைச்சர் வெள்ளை அறிக்கை வெளியிட வேண்டும் என்று எடப்பாடி பழனிசாமி வலியுறுத்தினார்.
