நடிகர் அஜித்குமார் நடிப்பில் மகிழ் திருமேனி இயக்கத்தில் உருவாகியுள்ள படம் ‘விடாமுயற்சி’. இப்படத்தில் அர்ஜுன், த்ரிஷா, ஆரவ், ரெஜினா கசாண்ட்ரா, நிகில் நாயர் மற்றும் பலர் நடித்துள்ளனர். லைகா புரொடக்ஷன்ஸ் தயாரித்துள்ள இப்படத்திற்கு அனிருத் இசையமைத்துள்ளார்.
பொங்கலுக்கு ரிலீஸ் ஆகாமல் தள்ளிப்போன இப்படம் வரும் 6-ம் தேதி வெளியாகிறது. இப்படத்தின் டிரைலர் சில வாரங்களுக்கு முன் வெளியாகி நல்ல வரவேற்பை பெற்றது. தயாரிப்பு நிறுவனம் டிரெய்லரின் BTS (திரைக்குப் பின்னால்) வீடியோவையும் சமூக ஊடகங்களில் வெளியிட்டது.
படத்திற்கான ப்ரோமோஷன் வேலைகள் மும்முரமாக நடந்து வருகிறது. நேற்று சென்சார் போர்டு ‘விடாமுயற்சி’ படத்துக்கு யு/ஏ சான்றிதழ் வழங்கியது. இந்நிலையில், ‘விடாமுயற்சி’ படத்தின் ‘சவதீகா’ பாடலின் ரீலோடட் பதிப்பை தயாரிப்பு நிறுவனம் வெளியிட்டுள்ளது. இது ரசிகர்களின் கவனத்தை வெகுவாக ஈர்த்துள்ளது.
