2025ம் ஆண்டுக்கான 97வது ஆஸ்கர் விருது வழங்கும் விழா அமெரிக்காவின் லாஸ் ஏஞ்சல்ஸ் நகரில் கோலாகலமாக நடைபெற்றது. இந்த நிகழ்வு டால்பி திரையரங்கில் நடைபெற்றது. இந்த விழாவில், பல்வேறு பிரிவுகளில் விருதுகளை வென்றவர்கள் விவரமாக கீழே வழங்கப்படுகின்றன.
நிகழ்ச்சியில், நடிகர் கீரன் கல்கின், ஜெஸ்ஸி ஐசன்பெர்க் இயக்கிய எ ரியல் பெயின் படத்திற்காக சிறந்த துணை நடிகருக்கான ஆஸ்கர் விருதை வென்றார். சிறந்த அனிமேஷன் படத்திற்கான ஆஸ்கர் விருதை FLOW திரைப்படம் வென்றது, அதேபோன்று IN THE SHADOW OF CYPRESS திரைப்படம் சிறந்த அனிமேஷன் படமாக விருது பெற்றது.
சிறந்த ஆடை வடிவமைப்பாளர் விருதை Wicked படத்திற்காக Paul Tazewell வென்றார், இதன் மூலம் கறுப்பினத்தைச் சேர்ந்த ஒருவர் முதன்முறையாக ஆஸ்கர் விருதை வென்றார். சிறந்த தழுவல் திரைக்கதைக்கான விருதை Conciave படத்திற்காக Peter Straughan பெற்றார். சிறந்த திரைக்கதைக்கான விருதை அனோரா படத்திற்காக சீன் பேக்கர் வென்றார்.
சிறந்த ஒப்பனை மற்றும் சிகையலங்காரத்திற்கான விருதை The Substance திரைப்படம் பெற்றது. இந்தியாவிலிருந்து ஆஸ்கருக்கு நாமினேட் செய்யப்பட்ட பிரியங்கா சோப்ரா மற்றும் குனீத் மோங்காவின் அனுஜா குறும்படம் விருதை தவறிவிட்டது, அதேபோல் I’M Not A Robot குறும்படம் இந்த பிரிவில் ஆஸ்கர் விருதை வென்றது.
மேலும், சிறந்த துணை நடிகைக்கான விருதை Emilia Perez படத்திற்காக Zoe Saldana பெற்றார். சிறந்த ஒலி மற்றும் சிறந்த காட்சிகள் என இரு பிரிவுகளில் Dune 2 இரண்டாம் பாகம் ஆஸ்கர் விருதுகளை வென்றது. The Brutalist திரைப்படத்திற்காக Lol Crawley சிறந்த ஒளிப்பதிவாளருக்கான விருதை பெற்றார்.
சிறந்த நடிகருக்கான ஆஸ்கர் விருதினை அமெரிக்க நடிகர் Adrien Brody வென்றார், அவர் 2002ஆம் ஆண்டில் தி பியானிஸ்ட் படத்திற்காக 29 வயதிலேயே சிறந்த நடிகருக்கான ஆஸ்கர் விருதை வென்றுள்ளார்.
அனோரா திரைப்படம் 5 விருதுகளை வென்றது, அதில் சிறந்த படத்தொகுப்பு, திரைக்கதை, திரைப்படம், இயக்குனர் மற்றும் நடிகை போன்ற முக்கிய பிரிவுகளில் விருதுகளை வென்று அசத்தியது.
ஆஸ்கர் விருது வழங்கும் விழாவில், பிங்க் நிற உடையில் பங்கேற்ற பாடகியும், நடிகையுமான அரியானா கிராண்டேவுக்கு சிவப்பு கம்பள வரவேற்பு அளிக்கப்பட்டது. இவர், லாஸ் ஏஞ்சல்சில் காட்டுத்தீயால் உயிரிழந்தவர்களுக்கு அஞ்சலி செலுத்தும் வகையில் மேடையில் பாடினார்.
