‘குட் பேட் அக்லி’ ஏப்ரல் 10-ம் தேதி வெளியாகவுள்ளதால் ‘இட்லி கடை’ ஏப்ரல் 10-ம் தேதி வெளியாக வாய்ப்பில்லை என்று தகவல்கள் வெளியாகியுள்ளன. இதை உறுதிப்படுத்தும் விதமாக ‘இட்லி கடை’ தள்ளிப்போவதாக விநியோகஸ்தர்கள் தெரிவித்துள்ளனர். தற்போது தனுஷ் இயக்கத்தில் அஜித் நடிக்கவுள்ளதாக தகவல் வெளியாகியுள்ளது. இதுகுறித்து கேட்டபோது, அதில் உண்மையில்லை.
இது போன்ற பேச்சு வார்த்தைகள் இன்னும் தொடங்கவில்லை என்றார்கள். ‘இட்லி கடை’ தள்ளிப்போவதால் இப்படியொரு தகவல் வெளியாகி உள்ளது என்றும் குறிப்பிட்டுள்ளனர். தற்போதைய சூழலில் ‘குட் பேட் அக்லி’ படத்தை தமிழகத்தில் உள்ள அனைத்து முக்கிய திரையரங்குகளிலும் வெளியிட பேச்சு வார்த்தை தொடங்கியுள்ளது. தனுஷ் தற்போது ஆனந்த் எல்.ராய் இயக்கும் இந்தி படத்தில் கவனம் செலுத்தி வருகிறார்.
அதை முடித்துவிட்டு ‘இட்லி கடை’ படத்தின் இறுதிக்கட்ட படப்பிடிப்பில் கவனம் செலுத்தவுள்ளார். இந்த இரண்டு படங்களையும் முடித்துவிட்டு ‘அமரன்’ இயக்குநர் ராஜ்குமார் இயக்கும் படத்தில் கவனம் செலுத்தவுள்ளார் தனுஷ். இதனை கோபுரம் பிலிம்ஸ் நிறுவனம் தயாரிக்கவுள்ளது.
