விஜய் நடிப்பில் எச். வினோத் இயக்கத்தில் உருவாகும் ‘ஜனநாயகன்’ திரைப்படம், அவரின் கடைசி படம் என கூறப்படுகிறது. இப்படத்தின் படப்பிடிப்பு கடந்த சில மாதங்களாக மும்முரமாக நடைபெற்றுவந்தது. சமீபத்தில், விஜய்யின் காட்சிகளுக்கான ஷுட்டிங் முழுமையாக முடிந்துவிட்டதாக தகவல் வெளியாகியுள்ளது.
விஜய், ‘தமிழக வெற்றி கழகம்’ என்ற அரசியல் கட்சியை தொடங்கி, விரைவில் அரசியலில் தீவிரமாக ஈடுபட உள்ளதாக அறிவித்துள்ளார். இதனால், சினிமாவை விட்டுவிட்டு முழுமையாக அரசியலில் கவனம் செலுத்த போவதாகத் தெரிவித்திருந்தார். இந்த அறிவிப்பால் அவரது ரசிகர்கள் மனமுடைந்துள்ளனர்.
விஜயின் கடைசி படத்தை எச். வினோத் இயக்குவது ரசிகர்கள் மத்தியில் மிகுந்த எதிர்பார்ப்பை ஏற்படுத்தியது. இவர் ஏற்கனவே அஜித் உள்ளிட்ட முன்னணி நடிகர்களுடன் பணியாற்றியவர். ஜனநாயகன் படப்பிடிப்பு மே 26 ஆம் தேதி விஜய்யின் கடைசிக் காட்சிகளுடன் முடிந்ததாக கூறப்படுகிறது.
படப்பிடிப்பின் கடைசி நாளில் இயக்குநர் வினோத், விஜய்க்கு சிறப்பு பாராட்டுவிழா ஏற்பாடு செய்ய திட்டமிட்டிருந்தார். ரசிகர்களை அழைத்து, எமோஷனல் Farewell கொடுக்க நினைத்தார். ஆனால், இது குறித்து தெரிந்த விஜய், உணர்ச்சி வசப்பட விருப்பமில்லை என கூறி அதை மறுத்துவிட்டார்.
விஜய் கூடுதலாக இரண்டு நாள் கால்ஷீட்டை கூட ஒதுக்க வேண்டாம் என்றும், பார்ட்டி வேண்டாம் என்றும் திட்டவட்டமாக கூறியதாக தகவல்கள் கூறுகின்றன. அவர் தன்னலமின்றி இறுதி வரை வேலைக்கு முழுமையாக அர்ப்பணித்தது படக்குழுவினரைக் கவர்ந்துவிட்டது.
‘ஜனநாயகன்’ படத்தில் பாலிவுட் நடிகர் பாபி தியோல் வில்லனாக நடித்துள்ளார். பீஸ்ட் படத்திற்கு பிறகு மீண்டும் விஜய்க்கு ஜோடியாக நடித்துள்ளார் நடிகை. மேலும், கெளதம் மேனன், பிரியாமணி, நரேன், மமிதா பைஜு, பிரகாஷ்ராஜ் ஆகியோர் முக்கிய கதாபாத்திரங்களில் நடித்துள்ளனர்.
இப்படத்தை அடுத்த ஆண்டு பொங்கலுக்கு பிரம்மாண்டமாக வெளியிட தயாரிப்பாளர்கள் திட்டமிட்டுள்ளனர். ரசிகர்கள், விஜய்யின் பிறந்த நாளான ஜூன் 22ஆம் தேதி படம் தொடர்பான அப்டேட் வரும் என எதிர்பார்த்தனர்.
ஆனால், விஜய் தற்போது அரசியல் பணி மீது கவனம் செலுத்தி வருவதால், எந்த அறிவிப்பும் இப்போது வேண்டாம் என கூறியுள்ளார். எனவே, படம் வெளியாகும் காலத்துக்கு அருகில் அப்டேட் வெளியிடப்படலாம் எனக் கூறப்படுகிறது.
விஜயின் கடைசி படம் என்ற செய்தி ரசிகர்களை உணர்ச்சிவசப்பட செய்தாலும், ‘ஜனநாயகன்’ திரைப்படம் ஒரு இனிமையான விடைபெறலாக இருக்கும் என நம்பப்படுகிறது.
