சென்னை: உடலுக்கு ஆரோக்கியம் அளிக்கும் ராகி கொழுக்கட்டை செய்வது எப்படி என்று தெரிந்து கொள்ளுங்கள்.
தேவையான பொருட்கள்
ராகி மாவு – 200 கிராம்
சிவப்பு அரிசி புட்டு மாவு – 200 கிராம்
பாசிப்பருப்பு – 1 கப்
தேங்காய் துருவியது – 1 கப்
வெல்லம் – 1 கப்
நெய்- தேவையான அளவு
செய்முறை: ராகி மாவை கடாயில் வாசம் வரும் வரை வறுத்துக் கொள்ளுங்கள். அதே அளவு சிவப்பு அரிசி மாவு எடுத்து உப்பு சேர்த்து நன்கு கலக்கவும்.
தண்ணீர் 2.5 கப் எடுத்து எண்ணெய் 1 ஸ்பூன் சேர்த்து கொதிக்க விடவும். சிறிது சிறிதாக இந்த தண்ணீரைச் சேர்க்கவும், மாவை கலக்கவும். மாவை ஆற விடவும். இனிப்பு பூரணம் செய்ய, முதலில் வெல்லத்தை கொதிக்க விட்டு வடிகட்டவும். பின் பாசிப்பருப்பை வேக வைக்கவும்.
கடாயில் சிறிது நெய் சேர்த்து தேங்காயை வறுக்கவும். இப்போது வெந்த பருப்பு, வடிகட்டிய வெல்லம் ஆகியவற்றை சேர்க்கவும். சிறிது நேரத்தில் கட்டியானவுடன் பூரணம் தயார். இப்போது கொழுக்கட்டை மாவை எடுத்து, 2 நிமிடம் கடாயில் என்னை ஊற்றி சூடாக்கவும். இந்த செயல்முறை மாவின் பிசுபிசுப்பை நீக்குகிறது.
இப்போது கொழுக்கட்டை மாவின் உள்ளே இனிப்பு சேர்த்து மூடி வைக்கவும். இட்லி குக்கரில் 10 நிமிடங்கள் நீராவியில் வேக வைக்கவும். சுவையான ராகி கொழுக்கட்டை தயார்.
