சென்னை: இந்திய கம்யூனிஸ்ட் கட்சியின் மாநில செயலாளர் முத்தரசன் அறிக்கை வெளியிட்டுள்ளதாவது:- அரசியல் கட்சிகளால் கொடி கம்பங்களை அமைப்பது தொடர்பாக ஜனவரி 28 அன்று சென்னை உயர் நீதிமன்றத்தின் மதுரை கிளை வழங்கிய தீர்ப்பு அரசியலமைப்புச் சட்டம் வழங்கிய அடிப்படை உரிமைகளுக்கு எதிரானது. இந்திய கம்யூனிஸ்ட் கட்சி உள்ளிட்ட அரசியல் கட்சிகள் இது தொடர்பாக மேல்முறையீடு செய்துள்ளன.
விசாரணை நடந்து வருகிறது. இந்த சூழலில், “தமிழ்நாடு முழுவதும் அரசியல் கட்சி கொடி கம்பங்களை அகற்றி ஜூலை 2-ம் தேதிக்குள் அறிக்கை சமர்ப்பிக்க வேண்டும். இல்லையெனில், மாவட்ட ஆட்சியர்கள் நீதிமன்றத்தில் ஆஜராக வேண்டும்” என்று சென்னை உயர் நீதிமன்றம் உத்தரவிட்டுள்ளது அதிர்ச்சியளிக்கிறது.
“அரசியல் கட்சிகள் ஏற்பாடு செய்யும் நிகழ்வுகளில் கட்டப்படும் கொடிகளுக்கு ரூ. 1000 வரை கட்டணம் வசூலிக்க வேண்டும். இதனால் கொடி கம்பங்களின் எண்ணிக்கை குறையும்” என்று கூறப்பட்டுள்ளது கவலையளிக்கிறது. இது தொடர்பாக, சரியான திசையில் பின்பற்றப்படும் உரிமைகளைப் பாதுகாக்க வலுவான ஆதாரங்களுடன் சட்டப் போராட்டத்தை அரசாங்கம் மேற்கொள்ள வேண்டும். இது குறித்து தெரிவிக்கப்பட்டுள்ளது.
