சென்னை: முன்னாள் பிரதமர் இந்திரா காந்தியின் 107-வது பிறந்தநாளையொட்டி, தமிழக காங்கிரஸ் சார்பில் வால்டாக்ஸ் சாலையில் உள்ள இந்திரா காந்தி சிலைக்கு தமிழக காங்கிரஸ் முன்னாள் தலைவர்கள் கே.வி.தங்கபாலு, சு.திருநாவுக்கரசர் உள்ளிட்டோர் மாலை அணிவித்து மரியாதை செலுத்தினர். பின்னர் தமிழக காங்கிரஸ் தலைமை அலுவலகமான சத்தியமூர்த்தி பவனில் மலர்களால் அலங்கரித்து வைக்கப்பட்டிருந்த இந்திரா காந்தியின் உருவப்படத்துக்கு தமிழக காங்கிரஸ் முன்னாள் தலைவர்கள் கே.வி.தங்கபாலு, சு.திருநாவுக்கரசர், மாநில துணைத் தலைவர் கோபண்ணா உள்ளிட்டோர் மாலை அணிவித்து மரியாதை செலுத்தினர்.
பின்னர் தேசிய ஒருமைப்பாட்டு தின உறுதிமொழி ஏற்கப்பட்டது. இதேபோல் சத்தியமூர்த்தி பவனில் தமிழ்நாடு காங்கிரஸ் இலக்கிய அணி சார்பில் அதன் தலைவர் பி.எஸ்.புத்தன் தலைமையில் இந்திரா காந்தி பிறந்தநாள் விழா கொண்டாடப்பட்டது. இந்நிகழ்ச்சிகளில் தமிழக காங்கிரஸ் நிர்வாகிகள் மற்றும் கட்சியினர் கலந்து கொண்டனர்.
