சென்னை: நடிகர் அஜித்குமார் நடிக்க உள்ள ‘டேர் டெவில்’ திரைப்படத்தின் தமிழ்நாடு திரையரங்க உரிமை, ஓ.டி.டி. உரிமை மற்றும் சாட்டிலைட் உரிமை உள்ளிட்ட வியாபாரம் ரூ.180 கோடி வரை முடிந்துள்ளதாக தகவல் வெளியாகியுள்ளது.
அஜித்குமார் நடிப்பில் கடந்த ஆண்டு வெளியான ‘குட் பேட் அக்லி’ திரைப்படம் ரசிகர்கள் மத்தியில் நல்ல வரவேற்பை பெற்றது. ஆதிக் ரவிச்சந்திரன் இயக்கிய அந்த திரைப்படத்தின் வெற்றியைத் தொடர்ந்து, மீண்டும் அவரது இயக்கத்தில் அஜித்குமார் நடிக்க உள்ளார்.
இந்த புதிய திரைப்படத்திற்கு ‘டேர் டெவில்’ என பெயரிடப்பட்டுள்ளதாக கூறப்படுகிறது. படப்பிடிப்பு விரைவில் தொடங்கும் என எதிர்பார்க்கப்படும் நிலையில், படத்தின் வியாபாரம் தொடர்பான தகவல் வெளியாகியுள்ளது.
தமிழ்நாடு திரையரங்க உரிமை, ஓ.டி.டி. உரிமை மற்றும் சாட்டிலைட் உரிமை உள்ளிட்டவற்றின் மூலம் படத்தின் முதல்கட்ட வியாபாரம் ரூ.180 கோடி வரை முடிந்துள்ளதாக கூறப்படுகிறது.
படப்பிடிப்பு தொடங்குவதற்கு முன்பே இவ்வளவு பெரிய தொகைக்கு வியாபாரம் முடிந்திருப்பது சினிமா வட்டாரத்தில் கவனம் பெற்றுள்ளது. அஜித்தின் முந்தைய திரைப்படத்தின் வெற்றி மற்றும் அவரது சொந்த தயாரிப்பு நிறுவனத்தின் பங்களிப்பு ஆகியவை படத்தின் வணிக மதிப்பு அதிகரிக்க காரணமாக பார்க்கப்படுகிறது.
