சென்னை: தமிழ் திரையுலக ரசிகர்கள் ஆவலுடன் எதிர்பார்த்து வந்த நடிகர் சூர்யாவின் 47-வது திரைப்படத்தின் தலைப்பு அதிகாரப்பூர்வமாக அறிவிக்கப்பட்டுள்ளது.
ஜித்து மாதவன் இயக்கத்தில் உருவாகி வரும் இந்தப் படத்திற்கு ‘சீன்’ (SCENE) என பெயரிடப்பட்டுள்ளது. படத்தின் டைட்டில் டீசரும் வெளியாகி ரசிகர்களிடையே நல்ல வரவேற்பைப் பெற்று வருகிறது.
தீபாவளிக்கு பிரம்மாண்ட வெளியீடு
‘சீன்’ திரைப்படம் வரும் நவம்பர் 6-ம் தேதி தீபாவளி பண்டிகையை முன்னிட்டு திரையரங்குகளில் வெளியாகும் என படக்குழு அறிவித்துள்ளது. இதன் மூலம் இந்த ஆண்டு தீபாவளி திரைப்படப் போட்டியில் சூர்யாவின் படம் முக்கிய இடம் பிடித்துள்ளது.
காவல்துறை அதிகாரியாக சூர்யா
‘ரோமஞ்சம்’, ‘ஆவேசம்’ உள்ளிட்ட வெற்றிப் படங்களை இயக்கிய ஜித்து மாதவன், இந்தப் படத்தின் மூலம் தமிழ் சினிமாவில் இயக்குநராக அறிமுகமாகிறார்.
படத்தில் சூர்யா இன்பராஜ் என்ற காவல்துறை அதிகாரி கதாபாத்திரத்தில் நடித்துள்ளார். சக ஊழியர்கள் மற்றும் சிறைக் கைதிகளுடனான மோதலை மையமாகக் கொண்ட கதைக்களம் அமைந்துள்ளதாக தகவல்கள் வெளியாகியுள்ளன. சூர்யாவுடன் நஸ்ரியா நசீம், நஸ்லென், லால், ராஜ்பிரியன் உள்ளிட்டோர் முக்கிய கதாபாத்திரங்களில் நடித்துள்ளனர்.
சுஷின் ஷ்யாம் இசையமைக்க, வினீத் அகஸ்டியன் ஒளிப்பதிவு செய்கிறார். படத்தின் டிஜிட்டல் வெளியீட்டு உரிமையை Netflix பெற்றுள்ளதாகவும், இசை உரிமையை Sony Music கைப்பற்றியுள்ளதாகவும் தகவல்கள் வெளியாகியுள்ளன.
