கர்நாடகா: அமைச்சர் பதவியை ராஜினாமா செய்த ராமலிங்க ரெட்டியை நேரில் சந்தித்து சமரசம் செய்ய முயற்சிப்பேன் என கர்நாடக முதல்வர் சிவகுமார் தெரிவித்துள்ளார்.
கர்நாடகாவில் புதிய முதல்வராக பதவியேற்றுள்ள சிவகுமார், அமைச்சரவை இலாகா ஒதுக்கீட்டைத் தொடர்ந்து ஏற்பட்ட அதிருப்தி குறித்து விளக்கம் அளித்துள்ளார்.
மூத்த காங்கிரஸ் தலைவர் ராமலிங்க ரெட்டி, பெங்களூரு நகர வளர்ச்சி துறையை ஒதுக்குமாறு கோரிக்கை வைத்திருந்தார். ஆனால் அந்தத் துறை கிருஷ்ணபைரே கவுடாவுக்கு ஒதுக்கப்பட்டதால் அதிருப்தி அடைந்த அவர், தனது அமைச்சர் பதவியை ராஜினாமா செய்தார்.
இதையடுத்து, ராமலிங்க ரெட்டியை சமாதானப்படுத்தும்படி காங்கிரஸ் மேலிடம் முதல்வர் சிவகுமாருக்கு அறிவுறுத்தியுள்ளது.
இதுகுறித்து சிவகுமார் கூறுகையில், “ராமலிங்க ரெட்டி என் நெருங்கிய நண்பர். அவர் கட்சியின் முக்கிய தலைவர். இலாகா ஒதுக்கீடு தொடர்பாக காங்கிரஸ் தலைமையின் முடிவை நேரில் விளக்குவேன். அமைச்சரவை ராஜினாமாவை மறுபரிசீலனை செய்யும்படி அவரிடம் கேட்டுக்கொள்வேன்” என்றார்.
மேலும், நகர்ப்புற வளர்ச்சிக்காக அவர் தொடர்ந்து பணியாற்ற விரும்புவதாகவும், பிரச்சினைக்கு விரைவில் தீர்வு காணப்படும் என்றும் தெரிவித்தார்.
