சென்னை: தங்கம் விலை வரலாறு காணாத புதிய உச்சத்தை தொட்டுள்ளது. இன்றைய காலை நிலவரப்படி, சென்னையில் 22 காரட் ஆபரணத் தங்கத்தின் விலை பவுனுக்கு ரூ.600 அதிகரித்து, ஒரு பவுன் ரூ.60,200-க்கு விற்பனை செய்யப்படுகிறது. சர்வதேசப் பொருளாதாரச் சூழலுக்கு ஏற்ப இந்தியாவில் தங்கத்தின் விலை அவ்வப்போது மாறுகிறது. அதன்படி இன்று காலை 22 காரட் தங்க நகைகள் கிராமுக்கு ரூ.75 உயர்ந்து ஒரு கிராம் ரூ.7,525 ஆகவும், பவுன் ரூ.600 ஆகவும், பவுன் ரூ.60,200 ஆகவும் விற்பனை செய்யப்படுகிறது.
வெள்ளி விலை மாற்றமின்றி ஒரு கிராம் ரூ.104 ஆக உள்ளது. நேற்று தங்கம் பவுன் ரூ.59,600-க்கு விற்பனை செய்யப்பட்ட நிலையில், இன்று பவுன் ரூ.60 ஆயிரத்தை தாண்டி புதிய உச்சத்தை தொட்டுள்ளது. இது நகை வியாபாரிகள் மத்தியில் பெரும் அதிர்ச்சியை ஏற்படுத்தியுள்ளது. விலைவாசி உயர்வுக்கு என்ன காரணம்? தங்கம் விலை தொடர்ந்து உயர்ந்து வந்தாலும், இன்று தங்கத்தின் விலை புதிய மைல்கல்லை எட்டியுள்ளது. இதற்கு பல காரணங்கள் உள்ளன. உள்நாட்டு சந்தையை விட இந்திய ரூபாயின் மதிப்பு 3 நாட்களாக சற்று அதிகரித்துள்ள நிலையில், பண்டிகை காலம் மற்றும் திருமண சீசன் காரணமாக தேவை அதிகரித்துள்ளது.
சர்வதேச அளவில், அமெரிக்க அதிபராக டொனால்ட் டிரம்ப் சமீபத்தில் பதவியேற்றார். எதிர்பார்த்தது போலவே அவர் பதவியேற்றதில் இருந்து பல அதிரடி அறிவிப்புகளை வெளியிட்டு வருகிறார். அதில் ஒன்று இறக்குமதி வரி விதிப்பு. அண்டை நாடுகளுக்கான இறக்குமதி வரியை உயர்த்தியது மட்டுமின்றி, இந்தியா உள்ளிட்ட பிரிக்ஸ் நாடுகளுக்கு 100 சதவீத வரி விதிக்கப்படும் என்றும் எச்சரித்துள்ளார். இதன் காரணமாக, முதலீட்டாளர்கள் தங்கத்தை பாதுகாப்பான முதலீடாகக் கருதி, அதில் முதலீடு செய்வதால், தங்கத்தின் விலை அதிகரித்துள்ளது. சர்வதேச பொருளாதார மந்தநிலை, போர் பதற்றம் உள்ளிட்ட காரணங்களால் தங்கம் விலையில் ஏற்ற இறக்கங்கள் இருந்தாலும், நீண்ட கால அடிப்படையில் அடுத்த இரண்டு ஆண்டுகளில் தங்கத்தின் விலை பல மடங்கு உயரும் என தொழில் வல்லுநர்கள் கூறுகின்றனர்.
