மறைந்த நடிகர் முரளியின் இரண்டாவது மகன் ஆகாஷ் முரளி ‘நேசிப்பாயா‘ படத்தின் மூலம் அறிமுகமாகிறார். இந்த படத்தை விஷ்ணுவர்தன் இயக்குகிறார். அதிதி சங்கர், பிரபு, சரத்குமார், குஷ்பு, கல்கி கோச்சலின் உள்ளிட்ட பலர் நடித்துள்ளனர். எக்ஸ்பி ஃபிலிம் கிரியேட்டர்ஸின் கீழ் சேவியர் பிரிட்டோ தயாரித்துள்ளார்.
யுவன் சங்கர் ராஜா இசையமைத்துள்ளார். இந்த படம் பற்றி விஷ்ணுவர்தன் கூறியதாவது:- இந்தியில் ‘ஷெர்ஷா’ என்ற படத்தை இயக்கினேன். கரோனா பீரியட் காரணமாக படம் முடிந்து பல நாட்கள் ஆகிவிட்டது. ‘நேசிப்பாயா’ படத்தின் மூலம் தமிழுக்கு திரும்பியுள்ளேன். இது காதல் கதை கொண்ட படம். என் மனதில் ஒரு கதை இருந்தது. நேரம் வரும்போது இயக்கலாம் என்று நினைத்தேன். ஆகாஷ் முரளி என்னை மும்பையில் சந்தித்தார்.
அவருக்காக இந்தக் கதையை உருவாக்க முடிவு செய்தேன். காதல் கதையாக இருந்தாலும் ரசிகர்களை குதூகலப்படுத்தும் ஆக்ஷன் மற்றும் டிராமா திரைக்கதையுடன் இப்படம் பயணிக்கும். ஆகாஷ் முரளி அறிமுக நடிகராக இல்லாமல் சிறப்பாக நடித்துள்ளார். ஆறடி உயரம், கரகரப்பான குரல், ஆக்ஷன் காட்சிகளில் மிரட்டுகிறார்.
அதிதி ஷங்கர் சினிமா இல்லாத பெண்ணாக இருப்பார். அதனால்தான் அவரை கதாநாயகியாக தேர்வு செய்தேன். இதில் நாயகியாக கல்கி கோச்சல் நடிக்கிறார். கதை தமிழகத்தில் தொடங்கினாலும் 90 சதவீதம் போர்ச்சுகலில்தான் நடக்கிறது. கதைப்படி, மொழி தெரியாத நாடு தேவை என்பதால் போர்ச்சுகலில் படமாக்கினோம்.
பிரிட்டனின் கேமரூன் எரிக் பிரசன் ஒளிப்பதிவு செய்கிறார், ஸ்பெயினின் ஃபெடரிகோ சண்டை இயக்குகிறார். அவர்களின் பணியும் பாராட்டுக்குரியது. இவ்வாறு விஷ்ணுவர்தன் கூறினார்
