சென்னை: கரூர் சம்பவத்துக்குப் பிறகு தமிழக வெற்றிக் கழக தலைவர் நடிகர் விஜய் அரசியல் ரீதியாக கடுமையான நெருக்கடியில் சிக்கியுள்ளார். கடந்த சில மாதங்களில் அவர் எதிர்பாராத சவால்களை எதிர்கொண்டு வருகிறார். இந்த நிலைமையில், தனது கட்சியின் எதிர்காலத்தைப் பற்றி முக்கியமான சர்வே ஒன்றை அவர் தனது நெருக்கமான அமைப்பின் மூலம் மேற்கொண்டுள்ளார். சர்வேவின் முடிவுகள் விஜயின் எதிர்கால அரசியல் நிலையைப் பிரதிபலிக்கின்றன.
சர்வே அறிக்கைகளின்படி, தீவிர விஜய் ரசிகர்கள் மட்டுமல்ல, அரசுக்கு கோபமாக உள்ள பொதுமக்கள் மற்றும் குடும்பத்தினர், பெண்கள் அனைவரும் அவர் மீது கோபமாக உள்ளனர். முன்பு நம்பிக்கையாக இருந்த பல வாக்காளர்கள் தற்போது அவருக்கு எதிராக திரும்பியுள்ளனர். இதனால், கடந்த சில நாள்களில் விஜய் எதிர்கால அரசியல் நடவடிக்கைகளை திட்டமிடுவதில் கவலை மற்றும் வருத்தம் வெளிப்படுத்தினார்.
இந்த நிலையிலேயே, விஜய் தனது நெருக்கமான சிலர் மற்றும் ஆலோசகர்களுடன் போன் அழைப்புகள் மூலம் நிலைமையை பகிர்ந்து கொண்டார். அவர்நீதிமன்றத்தில் வழக்கு இருக்கம் போது உணர்ச்சி வெளிப்படுத்த கூடாது என்று அறிவுரை பெற்றிருந்ததால், வருத்தத்தை மௌனமாக வெளிப்படுத்தினார். பாதிக்கப்பட்டவர்களை சந்தித்து நேரடியாக ஆதரவு வழங்க வேண்டும் எனவும் அவர் திட்டமிட்டுள்ளார்.
சர்வே முடிவுகள் மற்றும் புதிய ஆலோசனைகளின் அடிப்படையில், விஜய் அரசியல் நடவடிக்கைகளை மீண்டும் திட்டமிட உள்ளார். அவரது அணிக்கு அருகில் உள்ள முக்கிய நபர் ஒருவர், பேச்சின் விதமும் நேரமும் சரியாக இல்லையெனவும், தேவையான மாற்றங்களை செய்ய வேண்டும் எனவும் பரிந்துரைத்துள்ளார். இதனால், விஜயின் அரசியல் எதிர்காலம் மற்றும் தேர்தல் முன்னெச்சரிக்கை நடவடிக்கைகள் விரைவில் தெளிவாக வெளிப்படும் என எதிர்பார்க்கப்படுகிறது.
