சென்னை: தமிழகத்தில் நிலவும் மின்வெட்டு பிரச்சினைக்கு அதிகரித்த மின்தேவையே முக்கிய காரணம் என அமைச்சர் செங்கோட்டையன் தெரிவித்துள்ளார்.
தமிழகத்தின் பல பகுதிகளில் கடந்த சில நாட்களாக மின்தடை அதிகரித்துள்ள நிலையில், இதுகுறித்து அமைச்சர் செங்கோட்டையன் விளக்கம் அளித்துள்ளார்.
அதிமுக அறிவித்துள்ள போராட்டம் குறித்து செய்தியாளர்கள் எழுப்பிய கேள்விக்கு பதிலளித்த அவர், வெயில் அதிகரிப்பால் மின்தேவை பெருமளவில் உயர்ந்துள்ளதாக கூறினார்.
மேலும் மக்கள் மின்சார பயன்பாட்டை அதிகரித்திருப்பதாகவும், அதற்கேற்ப மின்சார பகிர்மான கட்டமைப்புகள் விரிவுபடுத்தப்பட வேண்டிய அவசியம் இருப்பதாகவும் தெரிவித்தார். சென்னையில் 3500 மெகாவாட் பயன்பாட்டுக்கான கட்டமைப்பு மட்டுமே இருந்தபோதிலும், தற்போது 5000 மெகாவாட் வரை மின்சாரம் பயன்படுத்தப்படுவதாக அவர் கூறினார்.
