‘புஷ்பா 2’ படத்தில் ஒரு பாடலுக்கு நடனமாட ஸ்ரீலீலா ஒப்புக்கொண்டுள்ளார். சுகுமார் இயக்கத்தில் அல்லு அர்ஜுன், ஃபகத் பாசில், ராஷ்மிகா மந்தனா மற்றும் பலர் நடிப்பில் உருவாகி வரும் படம் ‘புஷ்பா 2’. முதல் பாகமான ‘புஷ்பா’ உலகம் முழுவதும் ஹிட் அடித்தது.
இதில் சமந்தா ‘ஊ அண்டாவா’ பாடலுக்கு நடனமாடினார். இந்த பாடலின் வரிகள் மற்றும் நடனத்தை அனைத்து தரப்பு மக்களும் கொண்டாடினர். மேலும் ‘புஷ்பா 2’ படத்தில் ஒரு பாடல் உள்ளது. இதில் நடனமாட பல முன்னணி ஹீரோயின்களிடம் படக்குழுவினர் பேச்சுவார்த்தை நடத்தி வந்தனர். இருப்பினும், யாருக்கும் தேதிகள் இல்லை, படக்குழு விரைவில் படப்பிடிப்பை முடிக்க வேண்டிய கட்டாயத்தில் உள்ளது.
ஏனெனில் ‘புஷ்பா 2’ டிசம்பர் 5-ம் தேதி வெளியாகிறது. இதனால் ‘புஷ்பா 2’ படத்தில் ஒரு பாடலுக்கு நடனமாட ஸ்ரீலீலாவை அணுகினர். இவரது நடனம் மக்கள் மத்தியில் பெரும் வரவேற்பை பெற்றுள்ளது. அல்லு அர்ஜுன், ஸ்ரீலீலா இருவரும் நடனமாடினால் பெரும் எதிர்பார்ப்பு ஏற்படும் என படக்குழு கருதியுள்ளது. அல்லு அர்ஜுன் – ஸ்ரீலீலா நடனம் பாடலை விரைவில் ஹைதராபாத்தில் அரங்கேற்ற ‘புஷ்பா 2’ படக்குழு திட்டமிட்டுள்ளது.
