சென்னை: விஜய் பிறந்த நாளை ஒட்டி ஜனநாயகன் படத்தின் புதிய போஸ்டரை வெளியிட்டது படக்குழுவினர் வெளியிட்டுள்ளனர்.
நடிகர் விஜய்யின் பிறந்தநாளை முன்னிட்டு மற்றுமொரு புதிய போஸ்டரை வெளியிட்டுள்ளது படக்குழு. தற்போது வெளியாகி உள்ள போஸ்டரில் காவல் சீருடையில் மிடுக்காக வந்து கவனம் ஈர்க்கிறார் நடிகர் விஜய்.
இயக்குநர் ஹெச்.வினோத் இயக்கத்தில் விஜய் நடித்து வரும் படம் ‘ஜனநாயகன்’. தமிழக வெற்றிக் கழகம் என்ற அரசியல் கட்சியின் மூலம் அரசியலில் என்ட்ரி கொடுத்துள்ளார் விஜய். முழுநேர அரசியலில் கவனம் செலுத்தும் வகையில் இதுவே அவரது கடைசி படம் என விஜய் ஏற்கெனவே அறிவித்து விட்டார். அதனால் இந்த படத்தின் மீதான எதிர்பார்ப்பு கூடி உள்ளது.
இன்று (ஜூன் 22) விஜய் பிறந்தநாள் என்பதால் ஏற்கெனவே ‘க்ளிம்ப்ஸ்’ வீடியோ ஒன்று நள்ளிரவில் வெளியிடப்பட்டது. இந்த வீடியோ அதிக வியூஸ்களை பெற்றுள்ள நிலையில் தற்போது போலீஸ் சீருடையில் விஜய் இருக்கும் போஸ்டர் ஒன்றை படக்குழு பகிர்ந்துள்ளது. இதில் 2026, ஜனவரி 9-ம் தேதி அன்று பொங்கல் வெளியீடாக படம் வெளியாகும் என்பதும் இடம்பெற்றுள்ளது. அவருக்கு பிறந்தநாள் வாழ்த்தையும் படக்குழு வெளியிட்டுள்ளது.
கே.வி.என் நிறுவனம் தயாரிப்பில் உருவாகி வரும் படம் ‘ஜனநாயகன்’. விஜய் உடன் பாபி தியோல், பூஜா ஹெக்டே, கவுதம் மேனன், பிரியாமணி, மமிதா பைஜு உள்ளிட்ட பலர் இந்த படத்தில் நடித்து வருகிறார்கள்.
