இந்திய கிரிக்கெட் வாரியம் 23 வயதுக்குட்பட்ட வீரர்களுக்கான சிகே நாயுடு டிராபி முதல் தர கிரிக்கெட் தொடரை நடத்தி வருகிறது. ஹரியானா மாநிலம் குருகிராமில் உள்ள சுல்தான்பூர் மைதானத்தில் மும்பை மற்றும் ஹரியானா அணிகள் மோதுகின்றன. முதல் நாள் முடிவில் ஹரியானா முதல் இன்னிங்சில் 410/0 ரன் எடுத்திருந்தது.
இரண்டாவது நாளான நேற்று அர்ஷ் ரங்கா மற்றும் யஷ்வர்தன் தலால் ஜோடி முதல் விக்கெட்டுக்கு 410 ரன்கள் சேர்த்தது. இதற்கிடையில், அர்ஷ் ரங்கா 151 ரன்களில் ஆட்டமிழந்தார், அடுத்து வந்த கேப்டன் சர்வேஷ் 48 ரன்களில் ஆட்டமிழந்தார்.
சிறப்பான ஆட்டத்தை வெளிப்படுத்திய யஷ்வர்தன் 451வது பந்தில் 400 ரன்களை கடந்தார். 2014-15 சீசனுக்குப் பிறகு தொடரில் 400 ரன்களுக்கு மேல் எடுத்த முதல் வீரர் என்ற பெருமையைப் பெற்றார். இரண்டாம் நாள் முடிவில் ஹரியானா 8 விக்கெட் இழப்புக்கு 732 ரன்கள் எடுத்திருந்தது, யஷ்வர்தன் 426 ரன்களுடன் (12 சிக்சர்கள், 46 பவுண்டரிகள், 463 பந்துகள்) ஆட்டமிழக்காமல் இருந்தனர்.
யஷ்வர்தன் (426 ரன்கள்) சிகே நாயுடு டிராபியில் (வயது 23) இன்னிங்சில் அதிக ரன் எடுத்த வீரர் என்ற சாதனையை படைத்துள்ளார். முன்னதாக, உத்தரப் பிரதேசத்தின் சமீர் ரிஸ்வி சமீபத்தில் சவுராஷ்டிராவுக்கு எதிராக 312 ரன்கள் எடுத்திருந்தார்.
