சென்னை: 2026ம் ஆண்டு நீட் யுஜி தேர்வுக்கான ஹால் டிக்கெட்டுகள் இன்று (ஏப்.26) வெளியிடப்படுகின்றன என்று அறிவிக்கப்பட்டது நாளைக்கு ஒத்தி வைக்கப்பட்டுள்ளது.
இந்தியாவில் மருத்துவ படிப்புகளுக்காக தேசிய தகுதி மற்றும் நுழைவுத் தேர்வு (நீட்) நடத்தப்படுகிறது. இத்தேர்வை தேசிய தேர்வு முகமை (NTA) நடத்துகிறது. அந்த வகையில் இந்த ஆண்டுக்கான நீட் யுஜி (NEET UG) தேர்வு மே 3 ஆம் தேதி நடைபெறுகிறது.
நீட் யுஜி (NEET UG) தேர்வுத் தாளில் இயற்பியல், வேதியியல் மற்றும் உயிரியல் (தாவரவியல் மற்றும் விலங்கியல்) ஆகிய பாடங்களிலிருந்து 180 கட்டாயக் கேள்விகள் இடம்பெற்றிருக்கும். தேர்வுக்கான கால அளவு 180 நிமிடங்கள் ஆகும். இந்தத் தேர்வு மொத்தம் 720 மதிப்பெண்களுக்கு நடைபெறும்.
இந்த நிலையில் 2026 ஆம் ஆண்டு நீட் யுஜி தேர்வுக்கான ஹால் டிக்கெட்டுகள் இன்று (ஏப்.26) வெளியிடப்படுகின்றன. மாணவர்கள் தங்களது ஹால் டிக்கெட்டுகளை neet.nta.nic.in என்ற அதிகாரப்பூர்வ இணையதளத்தில் சரிபார்த்து பதிவிறக்கம் செய்துகொள்ளலாம்.
அதிகாரப்பூர்வ வலைத்தளத்தைப் பார்வையிடவும் – neet.nta.nic.in. முகப்புப் பக்கத்தில், ‘விண்ணப்பதாரர் செயல்பாடு’ பிரிவின் கீழ் உள்ள ‘NEET UG அனுமதி அட்டை 2026’ என்பதைக் கிளிக் செய்யவும். உங்கள் விண்ணப்ப எண் மற்றும் கடவுச்சொல்லை உள்ளிட்டு, பின்னர் “சமர்ப்பி” என்பதைச் சொடுக்கவும். உங்கள் நுழைவுச்சீட்டு திரையில் காட்டப்படும். பதிவிறக்கம் செய்து எதிர்காலப் பயன்பாட்டிற்காகச் சேமித்துக் கொள்ளுங்கள். இந்நிலையில், இளநிலை மருத்துவ படிப்பிற்கான NEET தேர்வு ஹால் டிக்கெட் வெளியீடு நாளை (ஏப்.27) காலை 10 மணிக்கு ஒத்திவைப்பதாக தேசிய தேர்வு முகமை அறிவித்துள்ளது.
