வக்ப் சட்டத்தில் மட்டும் ஏன் புதிய நடைமுறை கொண்டுவரப்பட்டுள்ளது என்பதை மத்திய அரசிடம் உச்சநீதிமன்றம் கேள்வி எழுப்பியுள்ளது. வக்ப் சட்டதிருத்த மசோதாவை எதிர்த்து தாக்கல் செய்யப்பட்ட மனுக்கள் மீது பதிலளிக்க மத்திய அரசுக்கு நோட்டீஸ் அனுப்பும் உத்தரவும் இன்று பிறப்பிக்கப்பட்டது. இந்த வழக்கு தலைமை நீதிபதி சஞ்சீவ் கன்னா தலைமையிலான அமர்வில் விசாரணைக்கு எடுத்துக்கொள்ளப்பட்டது.
வழக்கு விசாரணையின் போது, இந்த வழக்கு உயர் நீதிமன்றத்திற்கு மாற்றப்பட வேண்டுமா மற்றும் மனுதாரர்கள் முன்வைக்க விரும்பும் முக்கிய வாதங்கள் என்ன என்பதை நீதிபதிகள் கேள்வியாக எழுப்பினர். மனுதாரர்கள் சார்பில் மூத்த வழக்குரைஞர் கபில் சிபல் உள்ளிட்டோர், வக்ப் சொத்துகளை மாவட்ட ஆட்சியரால் தீர்மானிப்பது நியாயமானதா மற்றும் இந்து அறநிலைய வாரியத்தில் இஸ்லாமியர்களை சேர்க்கும் திட்டமா என்ற கேள்விகளையும் முன்வைத்தனர்.
மத்திய அரசின் சொலிசிட்டர் ஜெனரல் துஷார் மேத்தா, இந்த சட்டம் நீண்ட ஆலோசனைகள் மற்றும் பரிசீலனைகளுக்குப் பிறகு உருவானது என்றும், ஏற்கனவே வக்ப் சொத்தாக பதிவு செய்யப்பட்ட நிலைகள் செல்லுபடியாகும் என்றும் பதிலளித்தார். மேலும் வக்ப் வாரியத்தில் இரண்டு ஓய்வுபெற்ற நீதிபதிகளை நியமிக்க முடியும் என்றும், மற்ற உறுப்பினர்கள் இஸ்லாமியர்களாகவே இருக்க வேண்டும் என்பதையும் உச்சநீதிமன்றம் தெரிவித்தது.
