திருவனந்தபுரம்: கடந்த லோக்சபா தேர்தலின் போது, கேரளாவின் வயநாடு மற்றும் உத்தரபிரதேசத்தின் ரேபரேலி தொகுதிகளில் காங்கிரஸ் முன்னாள் தலைவர் ராகுல் காந்தி போட்டியிட்டார். இரண்டு தொகுதிகளிலும் வெற்றி பெற்றார். இறுதியில் வயநாடு எம்பி பதவியை ராஜினாமா செய்தார்.
அந்த தொகுதிக்கு வரும் 13-ம் தேதி இடைத்தேர்தல் நடக்கிறது. ராகுல் காந்தியின் தங்கையும், காங்கிரஸ் பொதுச் செயலாளருமான பிரியங்கா காந்தி வயநாடு தொகுதியில் போட்டியிடுகிறார். கடந்த மாதம் 23-ம் தேதி வயநாடு தொகுதியில் பிரியங்கா காந்தி தீவிர பிரசாரம் செய்தார். அப்போது அவருக்கு ஆதரவாக ராகுல் காந்தியும் பிரசாரத்தில் ஈடுபட்டார்.
இந்நிலையில் இன்று மீண்டும் பிரியங்காவும், ராகுலும் வயநாட்டில் பிரசாரத்தை தொடங்க உள்ளனர். இன்று காலை 11 மணிக்கு மணந்தவாடி நகரில் உள்ள காந்தி பூங்காவில் இருவரும் இணைந்து பிரசாரம் செய்ய உள்ளனர். மதியம் 1 மணிக்கு மானந்தா வாடி வாலாட் பகுதியில் பிரியங்கா பிரசாரம் செய்ய உள்ளார்.
ராகுல் காந்தி மாலை 3 மணிக்கு அரிகோட்டில் நடைபெறும் பொதுக்கூட்டத்தில் பங்கேற்கிறார்.
