சென்னை: ராஜ்குமார் பெரியசாமி இயக்கத்தில் சிவகார்த்திகேயன் நடித்த ‘அமரன்’ திரைப்படம் நேற்று திரையரங்குகளில் வெளியாகியுள்ளது. ராஜ்கமல் பிலிம்ஸ் தயாரித்துள்ள இப்படத்திற்கு ஜிவி பிரகாஷ் குமார் இசையமைத்துள்ளார். மறைந்த முன்னாள் ராணுவ வீரர் மேஜர் முகுந்தின் வாழ்க்கையை மையமாக வைத்து இப்படம் உருவாகியுள்ளது.
இதில் சிவகார்த்திகேயன் மேஜர் முகுந்தாகவும், நடிகை சாய் பல்லவி முகுந்தின் மனைவி இந்துவாகவும் நடித்துள்ளனர். அமரன் திரைப்படம் உலகம் முழுவதும் 900-க்கும் மேற்பட்ட திரையரங்குகளில் வெளியாகியுள்ளது. இந்த படத்தின் சிறப்பு காட்சியை முதல்வர் மு.க.ஸ்டாலின், நடிகர் சிவகார்த்திகேயன், துணை முதல்வர் உதயநிதி மற்றும் திரையுலகினர் கண்டு ரசித்தனர்.
படத்தைப் பார்த்துவிட்டு, ‘எக்ஸ்’ தளத்தில் முதல்வர் மு.க.ஸ்டாலின் வெளியிட்டுள்ள பதிவில், “நண்பர் கலைஜானி கமல்ஹாசனின் அழைப்பை ஏற்று ‘அமரன்’ படத்தைப் பார்த்தேன். உண்மைக் கதைகளை இன்றைய இளைஞர்களுக்கு வடிவில் கொண்டு சென்றது மகிழ்ச்சி அளிக்கிறது.
அதே போல் மேஜர் முகுந்த் வரதராஜன் – இந்து ரெபேக்கா வர்கீஸ் வேடங்களில் நடித்த தம்பி சிவகார்த்திகேயன், சாய்பல்லவி மற்றும் ஒட்டுமொத்த படக்குழுவினருக்கும் எனது வாழ்த்துக்கள். நம் நினைவில் வாழும் மேஜர் முகுந்த் வரதராஜன். இந்நிலையில், ‘அமரன்’ படத்தை பாராட்டிய முதல்வருக்கு நடிகர் சிவகார்த்திகேயன் நன்றி தெரிவித்துள்ளார். இதுகுறித்து, ‘எக்ஸ்’ தளத்தில் அவர் வெளியிட்டுள்ள பதிவில், ‘அமரன்’ படத்தைப் பார்த்து, நேரத்தைச் செலவழித்த தமிழக முதல்வர் மு.க.ஸ்டாலின் மற்றும் துணை முதல்வர் உதயநிதி ஸ்டாலினுக்கு எனது மனமார்ந்த நன்றிகள். ஒரு அரசு அதிகாரியின் மகன் என்ற முறையில் எங்கள் அனைவரின் பணி எனக்கு மறக்க முடியாதது.
இந்நிலையில், ‘அமரன்’ படத்தைப் பாராட்டிய முதல்வர் மு.க.ஸ்டாலினுக்கு படத்தின் தயாரிப்பாளர் கமல்ஹாசன் நன்றி தெரிவித்துள்ளார். இதுகுறித்து அவர் தனது எக்ஸ் இணையதளத்தில் கூறியிருப்பதாவது:- தமிழக முதல்வரும், என் அன்பிற்கினிய நண்பருமான மு.க.ஸ்டாலினுக்கு எங்களது மனமார்ந்த நன்றிகள்.
எங்கள் அழைப்பை ஏற்று அமரன் படத்தைப் பார்த்து மகிழ்ந்து படத்தையும், அதில் கலந்து கொண்ட கலைஞர்களையும் பாராட்டிய தமிழகத்தின் துணை முதல்வர் மற்றும் எனது அன்பு இளவளுமான உதயநிதி ஸ்டாலின். முதலமைச்சரின் பாராட்டு அமரனின் மாபெரும் வெற்றியின் அடையாளம். இவ்வாறு அதில் கூறப்பட்டுள்ளது.
