நடிகர் சூர்யாவின் கங்குவா திரைப்படம் பெரும் எதிர்பார்ப்பை ஏற்படுத்தியுள்ளது. ஆனால், படம் எதிர்பார்த்தபடி நேர்மறையான விமர்சனங்களைப் பெறவில்லை. எந்தப் பக்கம் திரும்பினாலும் கலவையான விமர்சனங்கள்தான் கிடைத்து வருகிறது.
படத்தின் முழுமையான விமர்சனம் மற்றும் வசூல் இன்னும் சில நாட்களில் தெரிந்துவிடும். “கங்குவா” படம் வெளியாவதற்கு முன்பே அமரன் படத்தை தியேட்டர்களில் இருந்து எடுக்க முடியாது என்று திரையரங்க உரிமையாளர்கள் சங்கம் தெரிவித்திருந்தது குறிப்பிடத்தக்கது.
இதனால் சூர்யா படத்திற்கு திரையரங்குகள் குறைவாக கிடைக்குமா என்ற அச்சம் நிலவியது. இந்நிலையில், அக்டோபர் 31ஆம் தேதி வெளியான சிவகார்த்திகேயனின் ‘அமரன்’ படத்தை நவம்பர் 14ஆம் தேதி வெளியான ‘கங்குவா’ படத்துடன் ஒப்பிடுகின்றனர்.
இதனை தொடர்ந்து நெட்டிசன்கள் பல்வேறு விதங்களில் மீம்ஸ் மற்றும் வீடியோக்களை ஷேர் செய்து வருகின்றனர். அதில் ஒரு மீம் தற்போது ஃபேஸ்புக்கில் வைரலாகி வருகிறது. அதாவது “கங்குவா” மற்றும் “அமரன்” படங்களின் ஆன்லைன் டிக்கெட் புக்கிங்கை ஒப்பிட்டு இன்று இந்த மீம் டிரெண்டிங்கில் உள்ளது.
“கங்குவா” இன் ஆன்லைன் முன்பதிவு ஒரு மணி நேரத்திற்கு 1.44k மற்றும் “அமரன்” ஆன்லைன் முன்பதிவு 1.42k. இந்த மீமில், நாங்கள் இருவரும் ஒரே டிக்கெட் புக்கிங்கில், வாங்க ஒண்ணா போலாம் என்று சிவகார்த்திகேயன் கூறுகிறார், அப்போது சூர்யா “டேய் நான் நேத்து வந்தவன்டா” என்று கூறுகிறார்.
